Откако ја објави долгата листа на кандидати, жирито ги објави седумте финалисти – од кои 6 се електрични а еден финалист е плаг-ин хибриден со електрична верзија која треба наскоро да пристигне.
Електричните возила земаат сè поголем замав и стануваат сè поважни – и директен аргумент за тоа е токму листата на финалисти кои ќе се борат за титулата Европски Автомобил на Годината за 2022.
Финалистите кои ќе се борат за титулата се:
- Cupra Born
- Ford Mustang Mach-E
- Hyundai Ioniq 5
- Kia EV6
- Peugeot 308
- Renault Mégane E-Tech
- Škoda Enyaq iV
Од сите финалисти, само францускиот Peugeot 308 не е електрично возило, но веќе е достапен во две различни плаг-ин хибридни изведби (и всушност, ние веќе го возевме новиот 308 на лансирањето во Франција, прочитајте повеќе тука), но според најавеното и 308 ќе биде достапен во целосно-електрична варијанта.
Сепак, она што е особено важно во овој избор е дека сите возила се или електрични, или електрифицирани – а тоа зборува за иднината на автомобилите. Автомобилите стануваат електрични, а електричните автомобили стануваат сè подостапни, а ние живееме во време на вистинска трансформација како на автомобилите, така и на автомобилската индустрија.
Победникот ќе биде објавен на 28-ми Февруари.