Францускиот бренд планира да изложи нов спортски концепт на овогодишното издание на автомобилскиот саем во Пекинг.
Моделот ќе служи да ја претстави идната дизајнерска насока на Peugeot и ќе го следи атлетскиот и чист дизајнерскиот јазик прикажан со суперавтомобилот Onyx, претставен на саемот во Париз. Тој ќе се протега во должина од 4.73 метри, додека неговата височина ќе биде само 1.31 метар, што ќе му даде нагласен спортски став. Автомобилот ќе нуди доволно простор да смести четири патници, заедно со нивниот багаж.
Се шпекулира дека на саемот кој ќе се одржи од 20-ти до 29-ти Април во Пекинг, Peugeot планира да го претстави и концептот 6008, кој ќе биде базиран на Citroen Wild Rubis и ќе позајми неколку дизајнерски елементи од 2008 и 308.