JATO Dynamics ги објави резултатите од продажбите на нови возила за шестиот месец од тековната година во Европа, а како најуспешен повторно се истакна новиот Volkswagen Golf.
Славниот Германски компакт повторно триумфираше по регистрирани 27,247 продадени возила. Сепак, најголемото изненадување е на втората позиција, на која се најде електричниот Tesla Model 3 по огромен скок во продажбата од 25,697 примероци.
Со остварени 22,764 продажби, третото место го зазема Dacia Sandero, а веднаш зад него се најде неговиот „поскап брат“ Renault Clio со продадени 22,254 возила. Малиот Fiat 500 заврши на петтата позиција, откако регистрираше 22,179 продажби.
Најпопуларниот модел на Toyota – Yaris се смести на шестото место со продадени 21,698 примероци, додека најпопуларен кросовер беше Volkswagen T-Roc со остварени 21,576 продажби.
Во продолжение на табелата за месец Јуни редоследно се најдоа и моделите: Opel Corsa, Renault Captur и Volkswagen Polo.
Извор на табелата: https: @carindustryanalysis