Жирито ги објави финалистите кои ќе се натпреваруваат за титулата за Автомобил на Годината во Македонија за 2014!
Националното жири за избор на Автомобил на Годината во Македонија ја објави листата на финалисти за овогодинешниот избор. На листата се најдоа:
- Mazda 3
- Mercedes-Benz CLA
- Mitsubishi Space Star
- Peugeot 308
- Skoda Octavia
- Suzuki S-Cross
- Peugeot 2008
- Renault Captur
Како и минатата година, и оваа година автомобилите ќе се борат за титулата Автомобил на Годината, како и титулата за SUV на Годината – интересно, бидејќи меѓу кандидатите нема ниту еден SUV. Suzuki SX4 S-Cross, Renault Captur и Peugeot 2008 спаѓаат во категоријата на кросовер возила – и два од овие модели воопшто не се ни нудат со погон на сите четири тркала. Минатата година титулата за Автомобил на Годината му припадна на Seat Leon, а за SUV на годината беше прогласен Mitsubishi Outlander.
Во секој случај, им посакуваме среќа на сите кандидати, a вие можете да го изберете вашиот фаворит и да се вклучите во дискусијата за изборот на Автомобил на Годината на нашиот форум.
