Top Gear повторно се враќа на екраните наредниот месец, а првиот трејлер за 31вата сезона носи нови авантури, презентирани од Крис Харис, Фреди Флинтоф и Педи МекГинис.
Трејлерот прикажува најразлични предизвици, почнувајќи од неодамнешната Формула 1 трка во Британија, каде снимаа заедно со Себастијан Фетел, Антонио Џовинаци и Ландо Норис и возеа Aston Martin V8 Vantage F1 Edition, McLaren 765LT и Alfa Romeo Giulia GTAm.
Останатите предизвици вклучуваат и караванско патување со приколки преку секакви планински терени со електричните Polestar 2, Mercedes-Benz EQC и Audi E-tron.
Неколку извонредни автомобили ќе бидат ставени на тест на познатата Top Gear тест патека, како Lamborghini Huracan STO, Aston Martin Victor и Chevrolet Corvette Stingray. Исто така една секција ќе биде одвоена за историскиот DeLorean DMC-12.
Сеуште не е објавена точната дата на премиерата, но очекуваме таа да биде откриена наскоро.