full screen background image
Search

Новиот Peugeot 508 пристигнува следната година со изглед инспириран од Instinct Concept!

Преземањето на Opel од General Motors не ги промени плановите на PSA за продолжување на понудата на седан од D-сегментот од брендот Peugeot, чија нова генерација ќе пристигне следната година.

Следната генерација 508 ќе биде со понизок кров и по лансирањето во 2018 ќе ги предизвика новите Opel Insignia, Ford Mondeo и Volkswagen Arteon. Изгледот на претстојниот модел од надворќе биде инспириран од неодамна претставениот Instinct Concept, додека во кабината се очекува да добие помодерна и поквалитетна верзија од ентериерот i-Cockpit кој може да се најде во 3008 и 5008.

Под „кожата“, моделот ќе биде поставен на EMP2 платформата на PSA која ќе нуди попростран и покомфорен ентериер, а поддржува и plug-in хибридна технологија -што ќе му овозможи на производителот да понуди електрифицирана изведба од автомобилот.

Покрај хибридната варијанта, во палетата на мотори се очекува да се најдат помодерни верзии на моменталните бензински и дизелски погонски единици, а тука би можел да се најде и 1.6-литарскиот четири-цилиндарски турбо-бензинец со 270 кс од Peugeot 308 GTi.

Покрај продолжувањето на Peugeot со понуда на возило во D-сегментот, сестринскиот бренд Citroen ќе го напушти овој сегмент целосно, бидејќи тие немаат планови да лансираат наследник на сегашниот C5. Наместо тоа, нивниот фокус е сведен на развивање на кросоверот C5 Aircross, кој ќе биде лансиран подоцна оваа година.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.