Volkswagen ќе ја прослави 10-годишнината од лансирањето својот познат SUV – Touareg. По тој повод ќе понудат специјално издание на овој голем SUV – Touareg Edition X!
Edition X добива неколку помали промени – нови 19-инчни алуминиумски фелни, предни bi-xenon светла како и панорамски покрив. Исто така, тука се и затемнетите прозори, хромираните детали како и неизбежните Edition X ознаки.
Внатрешноста исто така добива неколку промени. Сега внатре ќе не пречека ексклузивната Nappa кожа со која се обложени седиштата, а чувството на луксуз е надополнето со елементите од дрво.
Edition X ќе биде во понуда со повеќе мотори, додека цената ќе биде околу 61.000 евра за V6 TDI Bluemotion верзијата.
