Со желба да го приближи новиот Peugeot 301 до купувачите, Peugeot организира турнеја која ќе поминува низ 18 земји, а во која можете да учествувате и вие!
„301 Road Trip“ е интернационален проект организиран од Automobiles Peugeot. Peugeot 301 Road Trip ќе минува низ 18 држави и 3 континенти. Во проектот се предвидени две екипи, едната ќе движи кон север, а втората кон југ. Двете екипи ќе стартуваат од Турција на 01.11.2012 година.
Екипата која ќе движи кон север ќе помине низ Турција, Бугарија, Романија, Австрија, Словачка, Чешка, Полска, Украина и Русија.
Македонија е дел од јужната екипа, која ќе помине мине низ Турција, Грција, Македонија, Србија, Босна и Херцеговина, Хрватска, Словенија, Италија, Тунис и Мароко.
И Вие имате шанса да бидете дел од овој интересен настан – односно дел од возењето низ Македонија! Едно од возилата низ територијата на Република Македонија ќе биде управувано од две лица кои ќе бидат избрани по пат на кастинг.
Целата екипа ќе ја сочинуваат VIP лицата од Македонија, професионални возачи и продукцискиот тим (камермани, фотографи, монтажери, графичари) од Automobiles Peugeot, а комплетната организација на настанот во Македонија е под капа на Еуроимпекс – генералниот увозник на Peugeot за нашата земја.
За да имате и вие шанса да бидете дел од овој настан, посетете ја Facebook страницата на Peugeot Macedonia и аплицирајте за можноста да бидете еден од оние кои ќе го управуваат новиот Peugeot 301 низ Македонија!
