Volkswagen го претстави спортскиот ID.7 GTX кој ветува повеќе возбуда зад управувачот благодарение на погон на сите четири тркала, два електромотори и 340 коњски сили!
Минатата година Volkswagen ни покажа како би можела да изгледа спортска верзија на ID.7, во форма на ID.X Performance. Таа верзија имаше три електромотори и повеќе од 550 коњски сили, додека ID.7 GTX има „само“ 340. Но она кое сепак го добива се два електромотори – еден на предната, еден на задната оска – и вкупно 340 коњски сили и забрзување до 100 километри на час кое трае само 5.4 секунди. Сето тоа воопшто не е лошо.
Инаку, ID.7 GTX ја задржува батеријата со капацитет од 86 kWh која може да се полни со максимални 200 kW и да понуди автономија до 595 километри според WLTP мерењата.
ID.7 GTX ќе го препознаете по подинамичниот лик кој е резултат на поагресивните предни и задни браници, но и ексклузивните 20-инчни тркала. Кабината добива спортски седишта и детали, црвени шевови и цел грст други спортски елементи.
Секако, тука е 15-инчниот инфозабавен дисплеј кој е стандарден кај ID.7, како и сите други технологии кои Volkswagen веќе ги нуди кај електричниот знаменосец. ID.7 веќе пристигна и во Македонија, но ќе треба малку „да се стрпиме“ додека да пристигне и ID.7 GTX.
