Станува збор за главната стратегија за надминување на проблемот со вишокот капацитети и избегнување на затворање на фабрики во Европа.
Според извршниот директор Antonio Filosa, компанијата има за цел да ги сподели постоечките производствени капацитети со партнери како Leapmotor и Dongefeng, со цел фабриките да останат активни и да се зголеми искористеноста без директно конкурирање на сопствените брендови на групата.
Соработката со Leapmotor овозможува комбинирање на напредните кинески технологии за електрични возила со европските фабрики и мрежата на Stellantis, што овозможува побрзо развивање на нови модели и понуда на попристапни електрични автомобили за европските купувачи.
Паралелно со тоа, компанијата ја подготвува новата глобална платформа STLA One, која првично ќе дебитира преку брендот Peugeot во Франција пред да се прошири низ Европа.
Filosa дополнително нагласи дека забрзаната транзиција кон електрични возила бара и дополнителни инвестиции во европски фабрики за батерии за да се задоволат строгите правила за производство со локално потекло. Во исто време, тој повика на брзо постигнување договор на европско ниво во врска со ревизијата на правилата за емисија на CO2, со цел автомобилската индустрија да добие предвидливост и стабилни услови за одржување на конкурентноста на европскиот пазар.
