full screen background image
Search

SEAT го прославува 70-тиот роденден!

Во текот на изминатите 70 години, SEAT лансираше вкупно 75 различни модели – и низ тие 70 години и 75 модели, SEAT демонстрираше постојана еволуција и модернизација на автомобилите.

2020 година завршува, и покрај околностите, ова беше година на прослави за SEAT бидејќи компанијата ја прослави 70-годишнината од постоењето. Од 9-ти мај 1950 година до денес, брендот што ја стави Шпанија на тркала и претрпе длабока трансформација и демонстрираше постојан капацитет за повторно развивање.

Во текот на изминатите 70 години, шпанскиот производител на автомобили лансираше вкупно 75 модели, вклучително и различни верзии и генерации, меѓу кои и некои поголеми кои означија пресвртница. Почнувајќи од 1953 година со SEAT 1400, првиот автомобил произведен од компанијата или со легендарниот SEAT 600, кој беше претставен во 1957 година и наскоро стана симбол на слобода и мобилност.

Во 1984 година пристигна првиот SEAT Ibiza, а во 1999 година SEAT Leon, кој е успешен во продажбата уште од неговото лансирање. 2016 година беше исто така извонредна година: компанијата влезе во SUV сегментот со SEAT Ateca, по што следуваа SEAT Arona и SEAT Tarraco.

Во 2018 година, компанијата повторно го ревитализира својот капацитет за реинвенција и ја создаде CUPRA, независна марка што беше создадена со цел да влезе на нови пазари и да освои нови клиенти благодарение на неговиот современ дизајн и спортски карактер. По лансирањето на CUPRA Ateca и новото семејство CUPRA Leon, производителот на автомобили го претстави CUPRA Formentor, првиот модел уникатно дизајниран и развиен за брендот. 2021 година ќе го одбележи раѓањето на првиот целосно електричен модел на марката: CUPRA el-Born.

Поврзано:   ТЕСТ: SEAT Leon 1.5 TSI DSG FR - Технолошка трансформација на шпанскиот бестселер!

Еволуцијата и модернизацијата на автомобилите е постојана во текот на целата историја на SEAT, што последователно додаде технолошки развој во сите аспекти на автомобилот: од електрифицирање на неговиот асортиман до имплементација на најнова технологија во смисла на безбедност и поврзаност.

Ова видео претставува главна рекапитулација на 48 фундаментални модели од историјата на компанијата. Видео кое оддава почит на минувањето на времето, еволуцијата, растот и прилагодувањето во општеството на кое SEAT му служи. Исто така, покажува како SEAT го развива својот карактер со сите драстични промени и иновации.

Честит јубилеј, SEAT!

Извор: PR SEAT



Алфа и Омега на CARclub. Играчките остануваат, само стануваат поскапи.