Баварскиот бренд официјално потврди дека ќе го пензионира i8 – со што заминува во историјата како најуспешен електрифициран спортски автомобил.
Моделот i8 дебитираше во 2013-та година, заедно со урбаниот i3. Тие беа првите автомобили од гамата на BMW, кои се продаваа исклучиво во хибридни варијанти и го осветлија патот на електрифицираните варијанти на останатите модели.
Хибридниот спортист започна да сериски да се произведува во Мај 2014 во фабриката во Лајпциг, а последниот примерок ќе ги напушти производствените ленти следниот месец. Според BMW, i8 е најуспешниот електрифициран спортски автомобил, продаден во над 20,000 примероци, од кои секој чини околу 150,000 долари.
Во иднина, Германскиот производител планира до 2023-та година да ја прошири својата гама со 25 електрифицирани автомобили, од кои повеќе од половината ќе бидат погонувани само од електричен мотор, без мотор со внатрешно согорување.
