Со неодамнешните измени на мапата на авто-индустријата, одлучивме дека е време да се потсетиме кој кого поседува во автомобилската индустрија.
Постојат навистина многу автомобилски брендови – но зад сите нив стојат само неколку огромни компании. Направивме една анализа – и ова е целосната листа.
- BMW – Германскиот BMW (Bayerische Motoren Werke) е сопственик на MINI и Rolls Royce.
- Daimler AG – Германскиот Daimler се „разведе“ од Chrysler, и сега настапува независно. Во портфолиото влегуваат Mercedes-Benz, Mercedes-AMG и Smart.
- FCA – Fiat Chrysler Automobiles ги контролира Abarth, Alfa Romeo, Fiat, Chrysler, Lancia, Maserati, Dodge, Jeep и Ram.
- Ford – покрај истоимениот бренд, под контрола на Ford е и американскиот бренд Lincoln.
- General Motors – GM во своето портфолио ги има Buick, Cadillac, Chevrolet, GMC и Holden (бренд наменет исклучиво за австралискиот пазар)
- Honda – Јапонскиот бренд под своја закрила го има и лускузниот огранок – Acura.
- Hyundai Motor Company – Дел од јужнокорејскиот конгломерат се Hyundai, Kia и новиот луксузен бренд – Genesis.
- Mazda е независен бренд.
- PSA – Француската компанија најавува експанзија, па покрај очекуваните Peugeot и Citroen, во своето портфолио го има и луксузниот огранок DS, а од неодамна се сопственици и на Opel / Vauxhall.
- Renault/Nissan – Големата алијанса покрај брендовите Renault и Nissan, „под свое“ ги има и луксузниот Infiniti, буџет-ориентираната Dacia, најавено е воскреснување на брендот Datsun, а од неодамна се сопственици и на јапонскиот бренд Mitsubishi како и контролирачки удел во рускиот AvtoVAZ.
- Subaru Corporation го контролира брендот Subaru, но вреди да се напомене дека Toyota има значителен удел во оваа компанија.
- Suzuki е независен бренд.
- Tata Motors – Индиската компанија е сопственик на истиомениот бренд во Индија, како и британските Jaguar и Land Rover.
- Tesla е независен бренд
- Toyota – Јапонскиот гигант покрај Toyota располага и со луксузниот бренд Lexus, како и помалиот бренд Daihatsu.
- Volkswagen Audi Group – VAG може да се пофали со огромно портфолио – дел од групацијата се Volkswagen, Audi, Seat, Skoda, Porsche, Bentley, Bugatti, Lamborghini, како и MAN, Scania и Ducatti.
- Volvo е под контрола на кинескиот бренд Geely.
Дали нешто пропуштивме?
