Пред само неколку минути беа објавени резултатите од Европскиот избор за Автомобил на Годината и оваа година титулата му припадна на новиот Peugeot 308!
Жири составено од 58 автомобилски новинари од вкупно 22 Европски земји го избра победникот, а секој член на жирито беше задолжен да даде одреден број поени за своите фаворити. Оваа година финалисти беа Peugeot 308, BMW i3, Tesla Model S, Citroen C4 Picasso, Mazda 3, Skoda Octavia и Mercedes-Benz S-Class.
Со вкупно 307 освоени поени, моделот на Peugeot имаше убедливо водство пред второ и трето-пласираните BMW i3 и Tesla Model S кои имаа 223 односно 216 поени. Ова е четврта Европска титула за Peugeot, по оние на Peugeot 307 (2002), Peugeot 405 (1988) и Peugeot 504 (1969).
Наградата ја предаде Hakan Matson, претседател на жирито, а ја зема Maxime Picat, претседателот на Peugeot. Тој изјави:
„Со новиот 308 сигурни сме дека направивме скок во концептот, технологијата и квалитетот кој го обезбеди овој подиумски финиш во Европа. Престижната награда за Европски Автомобил на Годината за 2014 која денес ја преземам во име на сите во Peugeot кои имаа удел во развивањето на 308 е показател токму за ова!“
Честитки до Peugeot, а подолу е листата на финалисти заедно со поените кои ги освоија:
- Peugeot 308 – 307 поени
- BMW i3 – 223 поени
- Tesla Model S – 216 поени
- Citroen C4 Picasso – 182 поени
- Mazda3 – 180 поени
- Skoda Octavia – 172 поени
- Mercedes-Benz S-Class – 170 поени
