Со воведувањето на GSE Line, Opel ја заменува досегашната Astra GS – и спортската Astra ќе може да се добие со сите мотори кои се нудат кај хечбекот.
Пред освежувањето, Opel ја нудеше Astra GSe која ја комбинираше со плаг-ин хибриден погон со 225 коњски сили. Всушност, ние ја возевме токму оваа Astra на нејзиното интернационално претставување во Малага, во Шпанија.
Сега, со освежувањето на Astra, Opel одлучи малку да ги „прекомбинира“ работите. Со ознаката GSE Line, Opel прави директна поврзаност со GSE моделите, но судејќи по новите Mokka GSE (која ја возевме на F1 патека близу Мадрид) и Corsa GSE, ознаката GSE ќе биде резервирана за електричните модели, додека GSE Line ќе може да се комбинира и со останатите погонски опции.
Па така, Astra GSE Line може да се добие со бензински, хибриден, плаг-ин хибриден и електричен погон. Интересен и важен новитет е можноста Astra GSE Line да се комбинира со одличниот електричен погон од Mokka GSE и Corsa GSE – а тоа значи 280 коњски сили и инстантна испорака на моќ и вртежен момент.
Astra GSE Line ќе ја препознаеме по поспортскиот став, редизајнираниот преден браник и дополнителните GSE Line додатоци околу целиот автомобил. Добива и 17-инчни тркала, специфична боја за Opel Vizor предната маска и уште неколку измени. Кабината добива жолти шевови, алуминиумски педали и спортски седишта.
Marc Fetzer од Opel изјави дека „Astra GSE Line ќе покаже како спортскиот карактер на GSE моделите може да се комбинира со максимална практичност за секојдневна употреба, а на купувачите ќе им овозможи поголем избор на погонски опции“.
