Регулаторната Комисија за Енергетика пред само неколку моменти ги објави новите цени на горивата. Вечерва поевтинуваат бензините, но поскапува дизелот.
Во согласност со методологијата која РКЕ ја користи за пресметка на цените на горивата, вечерва на полноќ малопродажните цени се зголемуваат во просек за 2.19%.
Цените на ЕУРОСУПЕР-95 и ЕУРОСУПЕР-98 се намалуваат за 1.50 денари. Еден литар ЕУРОСУПЕР-95 ќе чини 99.00 денари, додека еден литар ЕУРОСУПЕР-98 ќе чини 101.00 денари.
Цената на ЕУРОДИЗЕЛ горивото се зголемува за 5.50 денари и еден литар дизел гориво ќе чини 104.50 денари.
