Maserati овозможи поглед во производството на најспортскиот модел во актуелната гама, во фабриката во Модена, Италија.
MC20 е погонуван од твин-турбо V6 агрегат усогласен со осум-степена трансмисија со двојна спојка. Тој располага со 630 кс при 7,500 вртежи и вртежен момент од 730 Nm од 3,000 до 5,500 вртежи во минута. Овие бројки му овозможуваат забрзување од 0-100 км/ч за 3.0 секунди, додека максималната брзина изнесува 325 км/ч.
Направен од карбон фибер и суперлесни композити, новиот MC20 може да се пофали со релативно ниска тежина од 1,500 килограми. Суперавтомобилот се одликува со значително повоздржан дизајн од моделите на Ferrari, кој е потпишан од дизајнерот со Германско потекло Клаус Бусе.
Погледнете како се одвива неговото производство и уживајте!
