Потегот претставува ретка но значајна промена во индустријата каде автоматските менувачи доминираат, особено во луксузните и спортски возила.
Новата опција на рачен менувач ќе биде дел од следната генерација на моделите на Maserati и се очекува да ги задоволи возачите кои бараат подинамично искуство при возењето.
Шефот на инженерскиот оддел на Maserati – Davide Danesin во интервју за Autocar изјави дека сè уште има клиенти кои сакаат „чисто механички автомобили“ и дека таа филозофија совршено одговара на брендот и го одразува неговиот пристап и начин на размислување
Иако рачниот менувач има помала достапност на современите автомобили заради автоматизацијата и електрификацијата, за Maserati ова претставува можност да се разликува од останатите играчи на пазарот.
Ова е дел од пошироката стратегија на брендот да ја обнови својата спортска историја и да се позиционира повторно како производител на возила кои нудат емотивни и возачки ориентирани автомобили. Враќањето на рачниот менувач е и одговор на барањата од пазарот, каде ентузијастите бараат поголема интеракција со возилото.
Компанијата не откри подетални информации, но најави дека менувачот ќе биде дел од спектарот на опции во моделите кои се планирани за блиската иднина.
