Red Dot Product Design наградите беа доделени вчера во Есен, Германија и Peugeot однесе две признанија – едното за новиот Peugeot 3008, а второто за иновативниот e-Kick електричен скутер!
Новиот Peugeot 3008 и е-Kick електричниот скутер (или по нашки, тротинет) кој може да се полни во багажникот на францускиот SUV се победничка комбинација. Жирито, импресионирано од нивото на иновативност кај овие возила, ги истакна и ергономскиот дизајн и квалитетот на завршната обработка.
Peugeot 3008 се истакнува по својот дизајн, но и по модерниот Peugeot i-Cockpit ентериер. Компактниот управувач и прилагодливиот heads-up дисплеј го подобруваат искуството зад воланот, и веќе се нарачани повеќе од 150.000 примероци од овој победнички SUV. Електрично-асистираниот скутер e-Kick е идеалниот партнер за 3008, и овозможува лесно да се поминат последните неколку километри во урбаната средина. Малиот скутер лесно се пакува и се складира во багажниот простор на 3008, каде се полни и е подготвен за следната авантура.
Ова е четврт пат Peugeot ја освои Red Dot наградата – претходно со истата титула се закитија и Traveller, 308 SW и RCZ – и со ова признание новиот 3008 има вкупно 37 различни признанија, вклучувајќи ја и наградата за Автомобил на Годината во Европа.
