Регулаторната Комисија за Енергетика ги почести возачите со нови, намалени цени на горивата – бензинот и дизелот поевтинуваат!
Како и секој втор понеделник, така и денес Регулаторната Комисија за Енергетика ги објави новите максимални цени на горивата. Согласно нивната методологија за пресметување на цените на горивата, малопродажните цени на бензинот и дизелот се намалуваат. Според РКЕ, од вечерва на полноќ малопродажните цени на горивата се намалуваат за 2.66 проценти, а преведено во реални бројки тоа значи дека цените се намалуваат за 2 денари. Еден литар ЕУРОСУПЕР-95 ќе се продава по цена од 76.50 денари за литар, додека ЕУРОСУПЕР-98 ќе се продава по цена од 78 денари за литар. Цената на ЕУРОДИЗЕЛ од вечерва ќе изнесува 68.50 денари за еден литар гориво.
Цените ќе важат од вечерва на полноќ. Следното пресметување на цените е за две седмици.
