Ако имате 3.3 милиони евра и телефонскиот број на Lamborghini го имате на speed dial, можеби ќе бидете еден од 9-мината што ќе успеат да поседуваат Veneno Roadster!
Lamborghini продолжува да го слави својот 50-ти роденден, а следниот подарок во низата е Lamborghini Veneno Roadster, односно отворената верзија на Veneno кој неодамна направи вистински шок. А што ќе добиете за вашите 3.3 милиони евра? Да започнеме од „отсечениот“ покрив благодарение накој ќе ја слушате операта која ќе ви ја приреди 6.5-литарскиот V12 кој сега наместо 691 коњска сила сега испорачува 740!
Силата се пренесува преку автоматскиот менувач со една спојка кон сите четири тркала, а Veneno Roadster забрзува до 100 километри на час за идентични 2.9 секунди како и верзијата со тврд покрив. Идентична е и максималната брзина, односно 355 километри на час. Она што е интересно е дека воопшто нема можност да се намести кров. Тоа значи дека Veneno е автомобил исклучиво наменет за убаво, сончево време, а автомобилот тежи само 40 килограми повеќе од верзијата со тврд покрив – односно само 1490 килограми – но истовремено е 75 килограми полесен од Aventador и цели 235 килограми полесен од Aventador Roadster!
Дури и бојата е уникатна – се вика Rosso Veneno и ќе биде достапна само на Veneno Roadster! Е сега, кој има 3.3 милиони евра?
