Мотоцентар денес ја официјализираше соработката и започна со продажба на брендовите Dunlop и Falken во Македонија!
Нашите пријатели од Мотоцентар денес официјално ја презентираа соработката со Sumitomo Rubber Industries, односно компанијата која стои зад брендовите Dunlop и Falken. Брендовите денес беа претставени пред партнерите, соработниците и медиумите, а со ова партнерство, Мотоцентар ја зајакнува позицијата на пазарот, воведувајќи во своето портфолио премиум и средна класа на автомобилски гуми, и тоа од светски ранг.
На презентацијата, покрај менаџментот на Мотоцентар, учествуваа и високи претставници од европскиот тим на брендовитe – Günther Riepl кој е сениор директор за продажба за Централна и Источна Европа; Matthias Förster, сениор технички инженер за „Dunlop Tyre Europe“ и Raphael Dahrendorf, специјалист за односи со јавноста.
„Партнерството со Sumitomo Rubber Industries е резултат на нашата долгорочна стратегија за застапување на исклучиво докажани, глобални брендови. Воведувањето на Dunlop во премиум сегментот и Falken како решенија со врвни перформанси во средната класа ни овозможува целосно да ги задоволиме барањата на современиот пазар, кој сè повеќе бара напредни и иновативни технологии. Горди сме што преку оваа соработка на македонските возачи им нудиме производи што директно ја зголемуваат безбедноста и ефикасноста на патиштата, по конкурентни цени“ – изјави Горан Гроздоски, Генерален Директор на Мотоцентар.
Kлучните иновации на Dunlop го прават еден од најценетите во автомобилската индустрија. Посебен акцент е ставен на револуционерната ACTIVE TREAD технологија, систем за адаптивен пневматик кој реактивно го менува својот состав според временските услови. Пневматикот омекнува при ниски температури и на влажен пат, а станува поцврст при високи температури и сув коловоз, нудејќи максимална безбедност без компромис. Воедно, беа претставени и Blue Response TG и Synchro Weather сериите – нова генерација пневматици дизајнирани за максимална стабилност, намалена бучава благодарение на Silent Wave технологијата и оптимизирана потрошувачка.
Покрај премиум сегментот на Dunlop, беше презентирано и портфолиото на Falken, кое нуди идеален баланс помеѓу перформансите, издржливоста и достапноста, со фокус на новите модели како Euroall Season AS220 и палетата Vario Core, соодветна и за електрични возила.
Брендовите Dunlop и Falken се препознаени ширум светот и веќе се избор број еден за прво вградување кај дел од светските брендови на автомобили, меѓу кои се Audi, Bentley, BMW, Deepal, Geely, Honda, Hyundai, Jaguar, Lexus, Mazda, Mercedes-Benz, Mini, Mitsubishi, Nissan, Porsche, SEAT, Skoda, Subaru, Toyota и Volkswagen.
