Од вечерва на полноќ возачите ќе плаќаат повисоки цени на горивата – бензинот поскапува, дизелот останува со иста цена!
Регулаторната Комисија за Енергетика пред само неколку минути ги објави новите цени на горивата. Согласно нивната методологија за пресметка на цените, од вечерва на полноќ малопродажните цени се зголемуваат за 0.28 проценти. Преведено во цени кои ќе ги плаќаме на пумпите, тоа значи дека бензинот поскапува за денар, односно денар и половина, а цената на дизелот останува иста.
Од вечерва на полноќ еден литар ЕУРОСУПЕР-95 ќе се продава по цена од 82.50 денари, еден литар ЕУРОСУПЕР-98 ќе се продава по цена од 84 денари, а еден литар ЕУРОДИЗЕЛ како и досега ќе се продава по цена од 70 денари. Ова е второ последувателно покачување на цените.
Новите цени стапуваат на сила вечерва на полноќ, а ќе важат следните две седмици.
