full screen background image
Search

Официјално: BMW 4-Series Coupe Concept – Мега Галерија

Само еден ден по претставувањето на првите фотографии од концептот за наследникот на Серија 3 купе, сега ви ги претставуваме официјалните информации за Серија 4 купе.

Како што веќе знаеме, Германскиот бренд ја промени назнаката на Серија 3 купе во Серија 4, бидејќи сака да го оддели од нејзината компактна седан верзија, а во исто време да ја нагласи разликата со тоа што ќе користи парни бројки за купе моделите со две и четири врати.

Новата Серија 4 мери 4,641 mm должина, 1,826 mm широчина и 1,362 mm височина, што значи дека е за 29 mm подолга, 44 mm поширока и 16 mm пониска од сегашната генерација на купе верзијата од Серија 3. Споредено со моделот кој го заменува, исто така има 50 mm подолго меѓуоскино растојание, додека трагот на тркалата е за 45 мм поширок напред и 80 мм поширок назад.

Новото купе останува лојално на познатите BMW елементи, како долгиот поклопец на моторот, кабината поместена наназад и долгото меѓуоскино растојание. Однапред е воочливо сличен на F30 Серија 3 со претпознатливите “бубрези” и двојните овални светла, додека најголемата разлика се огромните отвори за воздух на предниот браник.

Во профил, Серија 4 ја задржува препознатливата хоризонтална линија, додека позади предните тркала е додаден аеродинамички отвор, кој го намалува воздушниот отпор, а изгледот го комплетираат големите 20-инчни бандажи.

Во задниот дел доминираат задните светлосни групи во форма на латинската буква “L”, слични на оние од Серија 3, како и задните лакови на тркалата кои претставуваат најширока точка на моделот. Задниот браник претставува имитација на предниот, со исто така големи отвори за проток на воздух и вметнати издувни цевки.

Поврзано:   BMW ги претстави Individual боите за новите М3 и М4

Во ентериерот доминира кафеавата боја и елементите од дрво. Кабината е опремена со ново дизајнирани седишта и централна конзола директно преземена од Серија 3 седан, но со имплементирање на нови материјали. Вратите се подолги од оние на седан верзијата и се поубаво уредени.

Сепак, треба да почекаме до претставувањето на официјалната верзија од Серија 4 за да го знаеме нејзиниот конечен изглед. BMW не ја откри палетата на погонски единици, но ќе го направи тоа со претставувањето на серискиот модел, најверојатно на автомобилскиот саем во Франкфурт 2013.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.