По неколкуте верзии на тјунерските куќи, McLaren конечно ја претстави својата „набилдана“ верзија од McLaren MP4-12C!
По неколкуте тјунерски концепти кои ги видовме од Wheelsandmore, Hennesey и Mansory, сега можеме да уживаме и во фабрички тјунираниот MP4-12C High Sport!
Што треба да знаеме?
Треба да знаеме дека McLaren MP4-12C High Sport (или само HS, скратено) ќе биде произведен во екстремно лимитирана серија – односно, само 5 примероци ќе излезат од фабриката!
А што го прави HS толку посебен?
HS носи подобрувања кои се добиени од McLaren MP4-12C GT3 тркачкото возило – подобрувања во аеродинамиката и механиката. Повеќе од приметлив е нагласениот тркачки изглед, но тоа што се крие под поклопецот на моторот е уште поважно! 3.8-литарскио V8 твин-турбо мотор има дополнителни 75 коњски сили, односно вкупно 675! Од McLaren сеуште немаме информации за перформансите, но сигурни сме дека HS ќе биде повеќе од доволно брз за да ви ја одлепи кожата од лицето!
