Volkswagen Cross Coupe е концепт кој веќе ни е познат, а сега ќе ја има и својата Европска премиера во малку изменето издание!
Volkswagen Cross Coupe веќе го знаеме од авто-салонот во Токио, каде беше прикажан со хибриден погон и бензински TSI мотор со вкупна моќност од 265 коњски сили и со можност да пројде до 40 километри само на електричен погон.
Новиот концепт, како што може да се забележи и според името е со турбодизел TDI агрегат. TDI агрегатот, кој работи заедно со два електромотори успева на 100 изминати километри да потроши само 1.8 литри гориво, а емисијата на штетни гасови е импресивно ниски 46 грама CO2 на изминат километар!
Но, со замената на бензинскиот со дизел агрегат покрај тоа што се намалени потрошувачката и загадувањето, се зголемува моќноста и максималната брзина. Сега Cross Coupe има 306 коњски сили (наместо 260) и максималната брзина е порасната од 200 на 220 километри на час!
