Годинава изгледа највеќе среќа имаа Француските возачи, и кај автомобилите, и кај моторциклите! Им честитаме на Stephane Peterhansel и Cyril Despres!
Иако на последната делница победија Pal Anders (кај моторциклите) и Robby Gordon (кај автомобилите), сепак најсилни причини за славење имаат токму Француските возачи! По 14 извозени делници и 8300 километри, разликата помеѓу Cyril Despres и Marc Coma е цели 53 минути и 20 секунди! Ова е четврта Dakar победа за Despres, кој не ја криеше својата возбуда и својот ентузијазам.
Во конкуренцијата на автомобили, легендарниот Stephane Peterhansel беше навистина среќен и горд! Ова е негова јубилејна десетта победа на исцрпувачкото рели, и прва победа за тимот на MINI! Нивната доминација беше импресива – MINI возилата освоија дури осум делници, а на три од нив беше победник токму Peterhansel! Борбата на Peterhansel до самиот крај беше со тимскиот колега, Шпанецот Joan “Nani” Roma, но тој сепак успеа да извојува победа со предност од 41 минута и 56 секунди.
Годинава, за прв пат во конкуренцијата на камиони победи модел на Iveco, и тоа со Gerard de Rooy зад воланот. Нивната доминација беше приметлива уште од самиот почеток на годинешниот Dakar, а Gerard е победник на Dakar точно 25 години откако победник беше неговиот татко, Jan.
Погледнете неколку видеа од годинешните возења:
Dakar – Best of Bike 2012
Dakar – Best of Cars 2012
