Најновите резултати на JATO Dynamics прикажуваат големи преместувања во Европската листа за продадени електрифицирани возила во Јануари.
За прв пат од нејзиното претставување, Kia Niro е на водечкото место со продадени 4,049 примероци. Популарноста на Корејскиот кросовер порасна како последица на пониската цена, поради пристигнувањето на следната генерација.
Втор најпродаван автомобил беше Renault Zoe, кој забележа вкупно 3,338 нови регистрации, додека на третото место заврши новиот Fiat 500 со остварени 3,276 продажби.
Четвртата позиција беше резервирана за Hyundai Kona, која се продаде во 3,203 примероци, а зад неа се најде Volkswagen ID.4 со продадени 3,146 автомобили.
На шестото место финишираше Dacia Spring, кој освои 3,138 купувачи, додека седмата позиција ја окупираше Skoda Enyaq со продадени 3,064 возила.
Во остатокот од табелата за 10 најпродавани електрични автомобили се најдоа и Hyundai iONIQ 5, Kia EV6 и Peugeot 208 со остварени 3,037, 2,987 и 2,782 продажби редоследно.
Извор на табелата: @carindustryanalysis
