Погледнете го големиот Land Cruiser Black Edition во салонот на Toyota – CARclub.mk | #1 за Автомобилите full screen background image
Search

Погледнете го големиот Land Cruiser Black Edition во салонот на Toyota

Black Edition пакетот му дава уште попривлечен и забележително помодерен лик на големиот теренец на Toyota.

Добро го познаваме Land Cruiser – неодамна го имавме на неколкудневно тестирање и имавме одлична можност и самите да се увериме во неговата мултиталентираност. Сепак, од Toyota доаѓа Land Cruiser Black Edition, каде многу од деталите се во црна боја – и големиот луксузен теренец има уште поинтересен, попривлечен и помодерен лик.

Приказната започнува со предната маска која и понатаму е хромирана, но овој пат во Dark Chrome. Околу целиот теренец има црни детали – 18-инчните алуминиумски тркала, страничните ретровизори и кровните носачи, како и затемнетите задни светла. Црни се и хромираните детали околу целиот Land Cruiser.

Не е многу – но ситните детали го освежуваат Land Cruiser – и сега изгледа значително посовремено. Секако – и самите можете да го погледнете Land Cruiser Black Edition – изложен е во салонот на Toyota во Скопје.

Инаку, Land Cruiser Black Edition доаѓа со истиот 2.8-литарски турбодизел кој испорачува 204 коњски сили и 500 Nm вртежен момент. Секако, силата ја пренесува кон сите четири тркала и има вистински таленти за одење каде сакате – и самите проверивме! ;)



Алфа и Омега на CARclub. Играчките остануваат, само стануваат поскапи.