Hyundai не само што веќе ја тестира спортската Kona N, туку и потврди дека ќе добие 2-литарски турбо-бензинец и 8-брзински автоматски менувач со двојна спојка.
Според Hyundai, новата Kona N ќе биде „жежок SUV“ – а таа изјава ја поддржува со потврдата дека спортската Kona ќе добие 2-литарски турбо-бензинец кој ќе биде поврзан со сите четири тркала преку 8-брзински DCT менувач со двојна спојка. Сега за сега немаме никакви информации за тоа со колку коњски сили ќе располага овој турбо-бензинец, но се шпекулира дека би можел да испорачува околу 280 коњски сили и над 380 Nm вртежен момент.
Дополнително, од Hyundai кажуваат дека Kona N ќе нуди одлично искуство зад воланот, како и различни режими на возење. Нагласуваат и дека ќе има и Launch Control механизам, како и „емотивно звучно искуство“ – односно дека би требало да звучи одлично.
Наскоро ќе знаеме уште повеќе!
