За оние кои сакаат малку „фабрички тјунинг“ за нивниот X2, BMW подготви нешто токму такво!
Специјалниот пакет е достапен кај неколку различни изведби на популарниот кросовер на BMW. Како дел од пакетот доаѓаат M Sport пакетот за надворешност, како и Shadowline пакетите за зацрнување на хромираните детали. Допилнително, X2 Edition M Mesh добива црни декоративни елементи околу прозорците, како и црна значка и црни завршетоци на издувниот ситем. Достапни ќе бидат неколку различни бои – Alpine White, Brooklyn Grey Metallic, Phytonic Blue Metallic, Black Sapphire Metallic и Sunset Orange Metallic, а купувачите ќе моќат да нарачаат и „стикери“ во црна и портокалова боја, како на фотографиите.
Дополнително, X2 Ediiton M Mesh добива 19 или 20-инчни тркала со црни и портокалови детали, а кабината добива M спортски седишта во црна кожа, специјални декоративни елементи и уште неколку додатоци – M Sport управувач, алуминиумски елементи, итн.
Специјалниот пакет можете да го нарачате кај дизели со моќност од 150 до 231 коњска сила, како и кај турбо-бензинци со моќност од 136 до 178 коњски сили. Во зависност од изведбата, може да се комбинира со мануелен или автоматски менувач, како и погон на предните или на сите четири тркала.
