Нашите пријатели од Volvo Cars Македонија подготвија виртуелен салон, каде можете подетално да ги разгледате повеќето модели на шведскиот бренд.
Безбедноста е во гените на брендот на Volvo, а за ваша потполна заштита, македонските претставници обезбедија нов начин да ги посетите. Клиентите кои се заинтересирани за нов Volvo атвомобил, можат да направат обиколка на салонот – а притоа да бидат комплетно безбедни.
Со оглед на ситацијата која ја поминуваме во изминатиов период, ваквиот тип на претставување на автомобилите е и повеќе од добредојден. Оваа актуелност веќе повеќе пати е применета од страна на големи светски брендови – а од сега е достапна и кај нас. Со пристапување на веб страната, клиентите ќе можат да направат избор на повеќе модели од актуелната гама на Volvo. Во виртуелната реланост се вклучени целата XC гама, како и S60, V60CC и V90CC.
Покрај тоа што може визуално да го видите секој детал на автомобилот – како на екстериерот, така и во ентериерот – преку виртуелниот салон ќе да видите и неколку точки кои ја објаснуваат опремата која ја гледате.
До овој салон може да пристапите кога сакате и од каде сакате. Истиот е достапен 24 часа за клиентите кои се заинтересирани за нов Volvo автомобил. Се што треба да направите, е да ја посетите веб страната www.volvocars.mk – или да кликнете тука.