full screen background image
Search

Автомобилите на Volvo во Европа ќе можат да комуницираат еден со друг

Автомобилите на Volvo ќе бидат заемно поврзани и ќе се предупредуваат еден со друг кога ќе наидат на лизгави патишта и разни други опасности.

Технологијата на Volvo им овозможува на автомобилите да комуницираат едни со други и да ги известат возачите за лизгавите услови на патот во близина и за опасностите на кои ќе наидат. Комуникацијата ќе се извршува преку интернет, а има цел уште повеќе да ја зголеми безбедноста на патиштата.

Светлосниот сигнал за опасност (Hazard Light Alert) и Сигналот за лизгав пат (Slippery Road Alert) за првпат беа претставени во 2016 година на сериите автомобили Volvo 90 во Шведска и во Норвешка. Следната седмица функциите стануваат достапни за возачите на Volvo низ цела Европа. Тие доаѓаат како стандард за сите нови модели на Volvo автомобили од 2020 година и може да се надградат на избрани претходни модели (произведени од 2016 наваму).

„Споделувањето податоци за безбедноста меѓу возилата во реално време може да помогне да се избегнат несреќи” – рече Малин Екхолм, шеф на Центарот за безбедност на Volvo Cars, и додаде – „Сопствениците на Volvo директно придонесуваат кон побезбедни патишта за другите возачи што ја овозможиле функцијата, а, исто така, имаат корист од раните предупредувања за потенцијалните опасни услови што претстојат”.

Безбедносните истражувања на Volvo покажуваат дека прилагодувањето на брзините кон реалната ситуација во сообраќајот може радикално да го намали ризикот од несреќи. Со алармирање на луѓето за опасностите што претстојат и овозможувајќи им навремено да се прилагодат, поврзаните безбедносни технологии можат да поддржат подобро однесување на возачот и да ја зголемат безбедноста на сообраќајот.

Поврзано:   Новиот Volvo S60 пристигна на Freedom to Move

Со лансирањето на овие функции низ Европа, Volvo Cars, исто така, ја потврдува својата покана до автомобилската индустрија да се приклучи кон споделувањето анонимизирани податоци поврзани со безбедноста на сообраќајот низ различните марки автомобили. Со воведувањето, системите на Volvo Cars беа први од ваков вид во автомобилската индустрија. Веднаш штом кој било опремен Volvo автомобил ќе ги вклучи светлата за опасност, Светлосниот сигнал за опасност (Hazard Light Alert) испраќа сигнал до сите Volvo автомобили во близина што се поврзани со оваа услуга, предупредувајќи ги возачите да избегнат потенцијални несреќи. Ова е особено корисно за слепите агли и над сртот на ридовите на патот.

Во меѓувреме, Сигналот за лизгав пат (Slippery Road Alert) ја зголемува свесноста на возачот за моменталните услови на патот и за оние на патот напред, со анонимно собирање информации за површината на патот од возилата што се понапред на патот и предупредувајќи ги однапред возачите што се приближуваат до лизгавите делници на патот.

Slippery Road Alert demonstration on V60

Минатиот месец, Volvo Cars направи голем број најави за поддршка на подобро однесување на возачот и за побезбедно возење. Од 2020 година, сите Volvo автомобили ќе имаат ограничена брзина до 180 км/ч. Почнувајќи од раните 2020-ти, компанијата, исто така, ќе инсталира камери во автомобилите и други сензори што ќе го следат возачот и ќе му дозволат на автомобилот да интервенира ако јасно интоксираниот или расеан возач ризикува несреќа што вклучува сериозни повреди или смрт.

Конечно, компанијата најави дека за првпат го прави своето безбедносно знаење лесно достапно во централна дигитална библиотека, која ја поттикнува автомобилската индустрија да ја користи во интерес на побезбедни патишта за сите.



Алфа и Омега на CARclub. Играчките остануваат, само стануваат поскапи.