Porsche претстави ексклузивна и лимитирана изведба на моќниот 911 Turbo S – ја носи придавката Exclusive и располага со дури 607 коњски сили!
911 Turbo S веќе е еден од најбрзите автомобили на планетата (зборуваме од лично искуство), а лимитираната Exclusive изведба го прави суперавтомобилот уште помоќен. Ќе бидат произведени само 500 примероци кои ќе добијат 3.8-литарски битурбо шест-цилиндерски боксер кој испорачува 607 коњски сили (27 повеќе од „обично“). Сепак, можеби најважната карактеристика на 911 Turbo S Exclusive е Golden Yellow Metallic бојата, која може да се добие само на овие автомобили.
Покрај „гласната“ боја, 911 Turbo S Exclusive добива и карбонски детали, но и цели делови изработени од карбон – кровот, страничните прагови и предниот поклопец се од карбон, а автомобилот добива и нов заден дифузер. Сепак – ако жолтата боја ви е можеби премногу видлива, ќе можете да го нарачате вашиот Exclusive во некоја друга боја.
Исто како и екстериерот, и кабината добива уникатни преработки – жолти опшивки и жолти детали, а карбонски плочки го означуваат карактерот на автомобилот. Ентериерот може да се добие само во жолта боја.
