Компанијата на поранешниот дизајнер на Pininfarina, Кен Окујама, претстави супер лесен купе модел на саемот за автомобили во Токио.
Автомобилот наречен Kode9 претставува Јапонски oдговор на Lotus Elise. Тој е поточно дел тркачки, дел спортски модел со едноставни и класични, но атрактивни пропорции. Неговиот дизајн плени со италијанска елеганција и спортски став, токму како моделите излезени од Pininfarina.
Kode9 се протега во должина од 4140mm и е изграден врз хидро-алуминиумска шасија, благодарение на која тежи само 890 килограми. Неговата сила извира од 2.0-литарски агрегат направен од неназначен Јапонски автомобилски производител, засилен со HKS компресор на 320 кс. Нема информации за неговата цена и пазарите на кои ќе се продава.
