Германските Auto Bild и Bild Am Sontag ги доделија овогодинешните награди за Златен Волан, а победниците беа избрани во седум различни категории.
Читателите на Auto Bild и нивните сестрински магазини ги одбраа овогодинешните победници, а за победниците оваа година гласаа читатели од 22 земји и Германија – вкупно можеа да гласаат 73 милиони читатели. За две категории беа задолжени токму читателите, а победниците од другите категории ги избраа интернационални експерти од авто-индустријата.
Победници оваа година се:
- Мали/компактни возила: Volkswagen Golf
- Висока/луксузна класа: Mercedes-Benz S-Class
- SUV возила: BMW X5
- Купеа/кабриолети: Jaguar F-Type
- Повеќенаменски возила: Citroen C4 Picasso
- Средна класа: Audi A3
Дополнително, беше избран победник во категоријата Зелен Волан, а наградата му припадна на BMW i3. Со наградата Почесен Златен Волан се закити Питер Шрејер, човекот кој е одговорен за огромниот напредок на KIA. Награда доби и маркетинг тимот на Volkswagen – беа наградени со Златен Волан за рекламната кампања која го следеше лансирањето на новиот Golf VII.
