Сигурно се сеќавате на E46 M3 CSL – специјалната верзија на спортскиот M3. Оваа година CSL го слави својот десетти роденден!
Автомобилот, кој беше произведен во само 1383 примероци и распродаден за само неколку месеци беше дизајниран да биде врвното спортско купе. Олеснетиот ентериер како и олеснетиот заден прозорец заедно со многуте лесни компоненти од екстериерот и кровот изработен од карбонски влакна го правеа M3 CLS цели 110 килограми полесен од стандардниот M3. M3 CSL тежеше само 1385 килограми!
Секако, покрај интензивната диета, M3 CSL доби и мало зголемување на моќноста – моторот произведуваше одлични 360 коњски сили, благодарение на кои забрзувањето до 100 километри на час траеше само 4.9 секунди.