Автомобилот кој постигна рекордно ниска потрошувачка денес беше претставен во салонот на Мак Аутостар во Скопје!
Малиот Space Star покрај со импресивно ниската потрошувачка, може да се пофали и со многу стандардна опрема, одлична аеродинамичност но и навистина многу простор. Според Mitsubishi, Space Star е одговор на се понагласената потреба на луѓето за помало, но сепак удобно градско возило, кое истовремено е безбедно и добро опремено.
На самиот почеток се истакнува ниската потрошувачка од само 4 литри на 100 изминати километри, но веќе знаеме дека таа може да биде уште пониска. Коефициентот на отпор на воздух е само Cd 0.27. Сепак, за да ја постигне ниската потрошувачка, моторот покрај зафатнината од 1 литар и 71 коњски сили може да се пофали и со MIVEC технологија за варијабилно отворање на вентилите, стандардна старт/стоп функција, како уште многу друго.
Во понудата се два мотори, едниот со зафатнина од 1 литар, моќност од 71 коњски сили и 88 Nm вртежен момент, а другиот со зафатнина од 1.2 литри, моќност од 80 коњски сили и 106 Nm вртежен момент. Цените започнуваат веќе од 8.690 евра.
