Monster Energy објави ново спектакуларно видео, овојпат со авантура надвор од асфалтираните патишта, наместо Gymkhana атракција.
Иако видеото започнува со Nissan GT-R кој дрифта низ свиоци, сепак се работи за огромен теренец кој се движи со брзина до 240 км/ч низ рапавиот терен на пустината Мохаве. Тука се и две прекрасни девојки кои дополнително придонесуваат за привлечноста на видеото.
Главна улога во краткиот филм е BJ Baldwin, кој е позади воланот на огромен теренец со заден погон, придвижуван од 7.5-литарски Chevrolet V8 агрегат кој развива 850 кс и 935 Nm вртежен момент. Најинтересен факт: неговата просечна потрошувачка изнесува 75.8 литри на 100 километри.