По својата успешна премиера со новиот 1.6-литарски турбо мотор од минатата година, SEAT Leon WTCC – еден од најуспешните WTCC тркачки автомобили во последниве неколку години – уште еднаш го чека знакот за да ја започне трката.
Оваа година со SEAT Leon WTCC се тркаат четири тимови, тркачкиот тим Campos (Шпанија), тркачкиот тим Tuenti (Шпанија), Special Tuning Racing (Велика Британија) и Münnich Motorsport (Германија). Во последниот тим, шампионот Robert Huff на WTCC ќе го заземе своето место во кабината на Leon WTCC во автомобилот со број 1. Уште еден доминантен шампион вози оваа година за тимот Münnich – Marc Basseng кој освои титулата во 2012 во Светскиот шампионат ФИА ГТ1. Моменталниот шампион на Европскиот шампионат (European Touring Car Championship -ETCC), Fernando Monje, влегува во натпреварот за поени и победа оваа сезона зад управувачкото тркало на LEON WTCC за тркачкиот тим Campos.
Напред се крие 1.6-литарскиот турбомотор со моќност од 310 коњски сили и максимален вртежен момент од 410 Nm. Во претходната сезона, моќниот мотор со турбополнач докажа дека ги поседува сите перформанси и издржливост кои се потребни за секоја поединечна WTCC трка. Leon WTCC се заснова на верзијата со пет врати на SEAT Leon Cupra од втората генерација и беше развиен од страна на инженерите на SEAT Sport во согласност со официјалните правила одредени од страна на ФИА за меѓународни натпреварувања.
Првата трка се вози денес во Монца, а главен претендент на титулата секако е минатогодишниот шампион Robert Huff, кој премина од Chevrolet во SEAT. Најголем конкурент на Хаф ќе му биде трикратниот светски првак Иван Милер кој ќе вози Chevrolet Cruze за екипата на RML. Негов тимски колега ќе биде Том Чилтон кој минатата година возеше Ford Focus.
Lada Sport Lukoil Team ќе учествуваат со две возила Ladа Grantа, а зад воланот ќе бидат Џемс Томпсон и Алексеи Дудукало. Тимот на JAS Motorsport за кои ќе настапуваат две Hondа Civic ќе го сочинуваат Тиаго Монтеиро и Габриеле Таркини. Том Коронел и Стефано Д`Асте повторно ќе возат BMW 320 TC. Пепе Ориола (Tuenti Racing) повторно ќе вози Seat Leon, а тимот Bamboo Engineering повторно ќе вози Chevrolet Cruze, кои ќе ги возазт Алек Мекдувал и Џемс Неш.
Календар на трки за WTCC 2013 година
24 Mарт – Монца, Италија
7 Aприл – Маракеш, Мароко
28 Aприл – Словачки автодром, Словачка
5 Mај – Будимпешта, Унгарија
19 Mај – Салцбург, Австрија
9 Jуни – Москва, Русија
30 Jуни – Порто, Португалија
28 Jули – Куритиба, Бразил
8 Септември – Сонома, САД
22 Септември – Сузука, Јапонија
3 Ноември – Шангај, Кина
17 Ноември – Гуиа, Макао
