Германецот Себастијан Фетел од тимот на Red Bull, победи на денешната трка за големата награда на Малезија.
Трикратниот и актуелен Ф1 шампион, Себастијан Фетел, на денешната трка на патеката Сепанг ја забележа својата 27ма победа во кариерата. Со оваа победа Фетел се израмни со Сер Џеки Стујарт по бројот на победи на Формула 1. За Фетел ова е и 3та победа на патеката Сепанг со што се изедначи со Фернандо Алонсо и легендарниот Михаел Шумахер кои исто така имаат по 3 победи на оваа патека.
Трката започна со многу возбудувања. Патеката беше влажна и сите возачи на стартот беа со intermediate пневматиците. Големо разочарување за фановите на Ferarri беше откaжувањето на Фернандо Алонсо по само еден извозен круг. Шпанецот го оштети предното крило уште на самиот старт на трката кога во втората кривина дојде до мал контакт на неговиот болид со задниот дел од болидот на Фетел. Алонсо можеше да стигне до боксот со оштетено крило и да го замени, но тој одлучи да ризикува и наместо да ги посети механичарите тој ја продолжи трката, а неговото предно крило не успеа да ја издржи брзината на стартно-целната рамнина и потполно се одвои од болидот што резултираше со излетување на Алонсо надвор од патеката и крај на трката за него.
Двоецот на Mercedes Нико Розберг и Луис Хамилтон не дозволи уште на стартот тимот на Red Bull да направи предност и во голем дел од трката вршеа притисок на позициите на Фетел и Вебер, но немаа доволно сила за да успеат да се вмешаат во борбата за победа.
Оваа трка ја одбележаа и тимските наредби, поради кои подиумот по крајот на трката изгледаше многу невообичаено и се чувствуваше тензијата и напнатоста кај возачите. Марк Вебер кој добар дел од трката беше во водство, не пропушти да изјави дека Фетел има голема подршка и заштита од тимот и дека Германецот не се држел до тимскиот договор. Хамилтон призна дека на подиумот наместо него требаше да биде неговиот тимски колега Нико Розберг, кој беше видливо побрз од Хамилтон на крајот од трката, но не му беше дозволено од тимот да изрши престигнување.
Интересен за споменување е моментот кога Луис Хамилтон при неговото второ влегување во бокс, најпрво по грешка застана во својот поранешен тим McLaren, па од кога му беше сигнлазирано ја воочи грешката и продолжи со движење за да стигне до боксот на својот тим.
Нови возбудувања не очекуваат за 3 недели, кога на програмата е трката за големата награда на Кина. Дотогаш може да се приклучите во дискусијата на нашиот форум во темата за овогодинешната сезона на Формула 1.
Со оваа победа Фетел и тимот на Red Bull, се искачија на првото место во генералниот поредок.
Резултати
Поз. Возач Tим Круг Време/пов Ст. Бод. 1 S.Vettel RBR-Renault 56 1:38:56.681 1 25 2 M.Webber RBR-Renault 56 +4.2 secs 5 18 3 L.Hamilton Mercedes 56 +12.1 secs 4 15 4 N.Rosberg Mercedes 56 +12.6 secs 6 12 5 F.Massa Ferrari 56 +25.6 secs 2 10 6 R.Grosjean Lotus-Renault 56 +35.5 secs 11 8 7 K.Räikkönen Lotus-Renault 56 +48.4 secs 10 6 8 N. Hulkenberg Sauber-Ferrari 56 +53.0 secs 12 4 9 S.Perez McLaren-Mercedes 56 +72.3 secs 9 2 10 J.Vergne STR-Ferrari 56 +87.1 secs 17 1 11 V.Bottas Williams-Renault 56 +88.6 secs 18 12 E.Gutierrez Sauber-Ferrari 55 +1 Lap 14 13 J.Bianchi Marussia-Cosworth 55 +1 Lap 19 14 C.Pic Caterham-Renault 55 +1 Lap 20 15 G. Garde Caterham-Renault 55 +1 Lap 22 16 M.Chilton Marussia-Cosworth 54 +2 Laps 21 17 J.Button McLaren-Mercedes 53 +3 Laps 7 18 D.Ricciardo STR-Ferrari 51 +5 Laps 13 Ret P.Maldonado Williams-Renault 45 +11 Laps 16 Ret A.Sutil Force India-Mercedes 27 Wheel nut 8 Ret P.Resta Force India-Mercedes 22 Wheel nut 15 Ret F.Alonso Ferrari 1 Accident 3
Генерален Пласман
Возачи: 1. S. Vettel 40 2. K. Raikkonen 31 3. M. Webber 26 Тимови: 1. RBR-Renault 66 2. Lotus-Renault 40 3. Ferrari 40
Текст: Игор Андоноски
