Alfa Romeo моментално произведува само два модели – Giulietta и MiTo. Сепак, според најновите извештаи, Италијанската компанија ќе лансира девет нови модели до 2016 година.
Планираните автомобили ќе ги пополнат класите од B-сегментот до луксузниот Е-сегмент, во кој спаѓаат Mercedes E-класа и BMW 5. Alfa Romeo се надева дека ќе оствари продажни резултати од 300,000 примероци годишно.
Во понудата, покрај новиот 4C, ќе се најдат еден градски автомобил од B-сегментот, замена за Giulietta во C-сегментот, три варијанти од D-сегментот на база на Giulia (седан, караван и кросовер), еден луксузен автомобил од Е-сегментот, нов Spyder кој се развива во соработка со Mazda и три додатни „специјални“ модели, најверојатно кросовери.
Често се шпекулира за иднината на овој бренд, а веќе подолго време се одложува враќањето на Alfa Romeo на американскиот пазар. Враќањето на овој пазар ќе се случи во исто време со промоцијата на 4C.