На автомобилскиот саем во Сао Пауло, Бразил, Fiat претстави интересен Xtreme концепт базиран на Bravo.
Тој е опремен со агресивен боди кит кој содржи нов преден браник со голема решетка и два странични отвори за воздух со вградени LED дневни светла. Предните светлосни групи се редизајнирани и исто така имаат интегрирани LED светла, додека на задниот дел се забележува нов браник со вграден дифузер, две издувни цевки и LED стоп светла. Покрај останатото, тука се и поагресивни странични прагови, масивни двобојни фелни и кровен спојлер.
Најинтересната работа кај овој концепт е 1.4-литарскиот T-Jet агрегат кој е способен да испорача 253 кс при 6,600 вртежи и вртежен момент од 332 Nm при 5,000 вртежи во минута, а за подобро “лежење” на патот тука е потврдата и 5mm пониска суспензија.
Во внатрешноста на Fiat Bravo Extreme се среќаваат четири посебни седишта, АSK аудио систем, редизајнирана инструмент табла, нова централна конзола и екрани вградени во потпирачите за глава на предните седишта.
Fiat не објави планови за сериско производство на овој автомобил, но би било штета доколку не се случи тоа.
