Opel планира да претстави кабриолет верзија од градскиот малишан, која ќе се појави на пазарот во 2013 или 2014.
Планиран да им се спротивстави на Fiat 500C и Citroen DS3 Cabrio, моделот ќе располага со платнен кров кој ќе се повлекува наназад низ кровните столбови. Со цел да се зголеми багажниот простор, задниот прозорец на автомобилот ќе се повлекува наназад и ќе лежи веднаш над багашникот.
Најверојатно е дека гамата на мотори ќе биде преземена од стандардниот модел, па може да се очекуваат 1.2-литарскиот агрегат со 70 кс и 1.4-литарскиот мотор со 87 кс и 100 кс.
Доколку се се одвива според планираното, Adam Cabrio ќе се појави во претставништвата на Opel при крајот на 2013 или на почетокот од 2014.
