Во обид да понуди „поекономична“ верзија од своето огромно купе, Bentley ќе го нуди Continental GT и со V8 мотор!
Во V8 верзијата на Bentley Continental GT ќе се вградува V8 мотор со зафатнина од „само“ 4 литри, подпомогнат од 2 турбо полначи. Моторот ќе испорачува 500 коњски сили и 660 Nm вртежен момент. Иако сеуште нема официјални податоци за перформансите, се шпекулира дека ќе забрзува до 100 километри на час за помалку од 5 секунди а максималната брзина ќе му биде повеќе од 290 километри на час!
Bentley најавува дека со еден резервоар гориво, големото купе ќе може да помине над 800 километри. Интересен податок, ако земеме во предвид дека резервоарот има капацитет од скоро 100 литри!
