На авто-салонот во Los Angeles, Honda ја прикажа новата генерација на успешниот SUV .
Иако според официјалните изјави на Honda, овој модел на CR-V е за Американскиот пазар, сигурни сме дека ќе го видиме во Европа наскоро. Новиот модел ги задржува ширината и меѓуоскиното растојание, а е незначително пократок и понизок. Ги задржува и познатите столбови на Honda – одличната изработка, неоспорливиот квалитет и интересниот дизајн.
Во внатрешноста приметуваме некои од новите дизајнерски елементи на Honda, но во целина е задржан досегашниот премиум стил. Во целост, новиот CR-V изгледа поагресивно од својот претходник, а тоа се должи на заострените линии и поскладниот дизајн.
Новиот CR-V ќе добие и интелигентен систем за погон на сите четири тркала, со кој можеби ќе можете да избегате малку од асфалтираните улици.
Се надеваме дека набргу ќе го видиме новиот CR-V и на нашите улици.
