Групацијата FIAT во Болоња со 500 Competizione & Turismo, Punto Scorpione и многу други!
Кога станува збор за претставување на нови модели, очигледно е дека Италијаните сакаат најдоброто да го задржат за домашниот авто-салон. Соодветно на тоа, FIAT групацијата се подготвува да прикаже неколку нови модели во Болоња!
Првиот кој ќе го претстават е Punto Scorpione. Произведен во лимитирана серија од само 99 примероци, Punto Scorpione е базиран на Abarth Essesse моделот, со кој го дели и 180-коњскиот 1.4 MultiAir Turbo Мотор. Забрзува од 0 до 100 за 7.5 секунди, а максималната брзина му е 214 километри на час.
Следни на распоредот се 595 Abarth Turismo и 595 Abarth Competizione. И двата модели се опремени со 1.4 T-Jet Turbo мотор кој испорачува 160 коњски сили и им дозволува на малечките да забрзаат до 100 километри на час за 7.4 секунди, а максималната бразина да им биде 211 километри на час.
Turismo доаѓа со електронски-управуван мануелен менувач со контроли на воланот, а Competizione верзијата ќе се испорачува со класичен, 5-степен мануелен менувач.
Третиот модел кој е базиран на Fiat 500 а ќе се појави во Болоња е Abarth 695 Asseto Corse. Ова е посебно опремен модел кој е спремен за трки, и ќе доаѓа со 1.4 Турбо мотор со цели 205 коњски сили, но и тркачки тркала, кочници, сигурносен кафез, менувач, суспензија итн..
Во Болоња ќе биде преставен и фејслифтираниот Fiat Sedici, кој сигурно веќе знаете е збратимен модел со SX4 на Suzuki, а Lancia ќе ја претстави и Red & Black верзијата на новиот Lancia Y, кој е таргетиран кон машката популација.
