Регулаторната Комисија за Енергетика ги објави новите цени на горивата. Со намалениот ДДВ, бензините малку поскапуваат, дизелот малку поевтинува.
Регулаторната Комисија за Енергетика ги објави новите цени на горивата, а во најновата одлука за цените на горивата е применета владината одлука за намален износ на ДДВ за нафтениот дериват ЕУРОДИЗЕЛ (Д-Е V) во износ од 10% и Одлуката за намален износ на акцизата од 2,00 ден/лит кај бензините ЕУРОСУПЕР БС-95 и ЕУРОСУПЕР БС-98 и намален износ на акцизата од 4,00 ден/лит кај ЕУРОДИЗЕЛ (Д-Е V).
Соодветно на светските трендови и намалените давачки, малопродажните цени се зголемуваат во просек за 2.86%. Цените на ЕУРОСУПЕР-95 и ЕУРОСУПЕР-98 се зголемуваат за 3.50 денари и еден литар од овие горива ќе чини 100.50, односно 102.50 денари.
Цената на ЕУРОДИЗЕЛ горивото се намалува за 2.00 денари и еден литар дизел гориво ќе чини 99.00 денари.
Новите цени стапуваат на сила вечерва на полноќ.
