Регулаторната Комисија за Енергетика ги објави новите цени на горивата кои стапуваат на сила вечерва на полноќ.
Според методологијата која РКЕ ја користи за пресметка на цените, од вечерва на полноќ малопродажните цени се намалуваат во просек за 1.24%.
Малопродажните цени на бензините се намалуваат за 2.00 денари за литар. Еден литар 95-октански бензин ќе чини 91.00 денари, додека еден литар 98-октански бензин ќе чини 93.00 денари.
Од друга страна, цената на дизелот се зголемува за 1 денар – и со тоа цената на ЕУРОДИЗЕЛ горивото се зголемува на 99.50 денари.
