Регулаторната Комисија за Енергетика ги објави новите, значително пониски цени на горивата.
Во согласност со методологијата за пресметка на цените, малопродажните цени се намалуваат за дури 6.61%.
Преведено во конкретни бројки, тоа значи дека цената на ЕУРОСУПЕР-95 се намалува за 3.5 денари и еден литар 95-октански бензин ќе чини 84.00 денари. Цената на ЕУРОСУПЕР-98 се намалува за рамно 4 денари и еден литар 98-октански бензин ќе чини 86.00 денари.
Најголемо е намалувањето кај ЕУРОДИЗЕЛ горивото, ит оа за цели 7 денари. Од вечерва на полноќ, еден литар дизел ќе се продава по цена од 80.50 денари.
